بحر الكرم

الولاء لله وحده ثم لإ آل سعود ثاني
فدوة العاهل وفدوة كل شبرٍ من وطنا
انت يا بحر الكرم كفك على الدنيا مواني
فدوتك كل القلوب ليا من غبت عنا
والله أنك نجدة الملهوف لا من جاك عاني
والله انا ثم والله والله انا
والله انا في غيابك ننتظر حر الثواني
والوطن من غاب وجهك والله انه ماتهنا
حنت قلوب اليتامى مثل حنّات السواني
وحنت البيد العذيه والبحر بالشوق غنا
وأسفرت من جيتك يا سيدي جزل المعاني
وابتسم وجه الرياض وغازل طويق وتثنا
بالسماء مثل الجدي ولاكما سهيل اليماني
وللكبود الغيم لامنه سرى أو شح عنا
سيدي والحمد لله يوم حظي لك هداني
في زمنا وش يقول اللي تعنا في زمنا
ما يقول الا توكل ورتل السبع المثاني
وأن وصلت الشيخ قلها ما بها ريبٍ وظنا
جيتي لك جيت اسلم واتت مدهال الاماني
في ذرى بشتك يعيش اللي بها الدنيا تمنى
محمد عبد العزيز عبد الله الحسن