هاجس الذكرى

كفاية لا تعاتبني ما دام ان الجروح تزيد
كفاية لا تولع نفسي اللي صرت ساحرها
تحملت الشقى وانته تحسبني معاك إسعيد
براكين الهموم اللي بقلبي لا تفجرها
طيوف الليل تجذبني ولو أن الآمال إبعيد
آمال عشت بأولها وضاع الحلم بآخرها
أخذني هاجس الذكرى وكني في الزمان إوحيد
سحابة صيف مرت مقفية بالعين أناظرها
وطت رجلي على الرمضى وعاني من سموم البيد
على أرض جفت أغصون الشجر ما هل ماطرها
تبي تتعب ركاب اللي تولع في دروب الغيد
يبي يلقى الشقى والهم والأعيان يسهرها
دروبٍ لو وطى حاف القدم فيها عليه إتكيد
مثل كيد البيوت اليخلف الوزنات شاعرها
نسيم الصبح تفرح به طيور تعشق التغريد
تغرد فرحة بالصبح الأبيض من حناجرها