يمه عسى شرّك يزول وتطيبين وتقضين عمرك في صلاة وعباده وإلى لفيتك زايرٍ لي تقومين تستقبليني في حنان وسعاده يضمني صدرك وتدمع لك العين يطيح فوق الكف يعلن وداده يمه فداك العمر وشبك تونين يايوه عقبك عايشين بنكاده يمه يتل الروح يوم انتي تبكين تلة اطيور القنص لحظة هداده يمه فداك الكون والناس تكفين ما ودي اسمع ما تحمل زياده ردي علي يايوه وشبك نسيتين ردي علي ما عاد فيني جلاده ردي علي يايوه او ما عرفتين يمه ذبحني ضمتك للوساده يمه بدت بالصدر ثورة براكين تفجرت احزان هم ولهاده ومن الحزن ذبلت زهور البساتين ورد الهدا يايوه اعلن حداده دكتور خذ قلبي وكبدي مع العين عطهم دفء عمر العمر هي امراده رمز الوفاء والتضحية امي امنين القى ربع.. ربع الربع.. من جهاده يا الله عساي ارد له اول الدين يفداه قلبي والجوارح قلاده ويا الله يا منزل تبارك وياسين وبسمك نطق عيسى وهو في مهاده تشافي أمي ام كل المساكين اللي لها بالطيب طبعٍ وعاده
