كفّه سحاب الوسم

يا مرحبا ترحيبةٍ شانها شأن
وعداد ما هل المطر من سحابه
أهلاً هلا وأهلين من قلب ولسان
اعداد ما خط القلم بالكتابه
سلام يا نور المكارم والأوطان
يا الوافي اللي كل خيرٍ سعابه
سلمان لا عدو هل الجود سلمان
مواقفه ما بين عزم وصلابه
له القصيد يساق مسكٍ وريحان
وله الغلا ينساق قدر ومهابه
هداج تيماء كنه سهيل لا بان
عدٍ على الظامي قراحن شرابه
حلياه حرٍ من صواريم حوران
لا أهوى على الجول المقفي ثعابه
كفه سحاب الوسم لا هل ودان
ينبت نواويره ويسقي شعابه
محبته تبقى لنا سر وعلان
القلب واحد والأسامي تشابه
رجل المواقف والمباديء والإحسان
على القسى واللين ما صك بابه
سيفٍ يقص الرأس من فوق الامتان
لا سله السيّاف يرعف نصابه
للناس فزاعٍ وللطيب عنوان
شيخٍ يشرف بالمعالي جنابه
انتم هل العوجا لنا ظل وكنان
درع الوطن لا الوقت كشر بنابه
الله يديم العز في كل الأزمان
آمين يا اللي ما يخيب الرجاء به
ناصر بن كروز بن سرحان المنيخر