قال الهوى

إحساس يجمع خفوقين
يفرض قراره للحياة العنيدة
روحين تعشق بعضها دام حيين
تهيم بالدنيا وتكسب جديدة
قلت الهوى هو روح وحدة بشخصين
ما دام هو قلبي وانا له وريدة
عندي اختلف وضع الهوى يالمحبين
اشوف من دونه وفاتي اكيدة
خل العمر والروح والفكر والعين
واجمل بداية حب واروع قصيدة
أدري الهوى عاشوه غير ملايين
محد تلذذبه سنين عديدة
نذراً على ما نساه دام النذر دين
لاوفيه للي ماخذ القلب بيده
لو صار حبه نار والشوق نارين
يكفيني اني بنار حبه سعيدة
ما همني قول الوشاة الحسودين
بمشي على كيفه.. على ما يريده
يا قايل ان الحب داء المجانين
لك يوم تصبح واحد من عبيده
الحب نعمة في خفوق المودين
عواطفا واشواق عنك بعيدة
أموت وأحيابه من أول وهالحين
وان مت بيديه تراني شهيده