شعور الحب

قافية صعبة طوعها شاعرها بدون ضعف بسلاسة جميلة نقدمها لكم ومعها نقدم شاعراً ربما يكون له شأن في عالم الشعر..
ما كفاك بقلبي العاشق عبث
ما كفاك اللي حصلي من أذى
ما كفاك تشيل لاحلامي جثث
كن موت الحلم لغرورك غذا
ما عرفت بداخلي باللي حدث
صرت ورد بلا عطر ولا شذى
كنت اظن الحب لشعورك ورث
ما توقع منك تعمل بي كذا
قلبك اللي بأكثر عهوده نكث
باع قلبٍ في تواصيفك هذا
حبك بقلي وحبي مالبث
في خفوقك بعد ما قلبي خذا
بعت قلبٍ حب قلبك في حثث
ومثل حذو الوقت خفاقك حذا
شفت فيك الغدر بانفاسه نفث
صار عندك من صفا النيه وذا
غرك اللي مع مشاويرك لهث
لا نصحتك قلتلي يعني واذا؟
يا خساره مالقى قلبٍ بحث
عن سبب يجعلك تفعل بي كذا