اسم البطولة اقترن باسم سلطان

الخيل عز وعزها القرم سلطان
شيخٍ نقدم له سلام وتحيات
واغلى التهاني ساقها نبض وجدان
للفارس اللي حاز كل البطولات
الفوز غالي وما يقدر بالاثمان
أغلى هديه منك يا وافي الذات
كلٍ يا بو نايف بها لكاس فرحان
وهلّت من الفرحه على الخد دمعات
كاس الملك ما هوب يعطي لمن كان
ما ياخذه غير الذي فعله اثبات
سلام يا الازرق تحديت الالوان
وسميت يا لون السما فوق غيمات
تشهد ميادين السبق طول الازمان
انك يا الازرق فيه لك دوم جولات
اسطبل الازرق كنه النجم لا بان
يشع نوره بين كل المجرات
طيف المضمر ليلة الحسم بركان
ما يلحقه من نايف الخيل هيهات
يوم انتزعها قايد الخيل لا هان
اذهل جميع اللي لهم فكر وانصات
ساعة تبادى كايد الخيل طوفان
كنه هبوب الريح يطوي المسافات
خذت الشرف يا حلمنا وفخر الاوطان
نلت الخماسيه وعليت رايات
انت الذي للعز والطيب عنوان
يا امير لك في ساحة المجد بصمات
تستاهل اكثر يا البطل طير حوران
صبت الهدف لو هو بعيد المسافات
وهذا ابو نايف من يعانده غلطان
شيخٍ ذهين ويرسم الحق لوحات
ما هي غريبة منك يا نسل شقران
ابوك كل يذكره طول الاوقات
ابوك شيَّد من صفا الطيب بنيان
محمد بن سعود فالقلب ما مات
الله كريم برحمته عالي الشان
عند الولي ينعم برحمه وجنات
اسم البطولة اقترن باسم سلطان
وسقنا على شانه جميع العبرات
من عاندك يرجع ذليلٍ وخسران
كسب المعالي ما يحقق بمشهات
عز الله انك يا بو نايف كحيلان
بجد حققت المنى وكل غايات
الخيل عز وعزها اليوم سلطان
شيخ الكرم رمز الوفاء والمهمات