بشرق فليج

في يوم الأحد 16 شوال الماضي انتقل إلى رحمة الله تعالى العم/ عبدالله حسن الخربوش في مدينة حفر الباطن بعد صراع مع المرض, ولما يمثله رحمه الله من ثقل في العائلة وأعماله في سبيل الخير إلى جانب محبة الناس له رحمه الله كانت هذه الأبيات:
صعب البكا بس البكا ذقت حره
وانا قبل لامن بغيته عصاني
هلت دموع شفت منها المضرة
وتعاقبت من شن بعمي دهاني
مرحوم يا شيخ قضى الله بأمره
يوم انتصف شوال عقب رمضان
يوم المرض هده كفى الله شره
أمر من المعبود والعمر فاني
أبو حسن راع الكرم والمبره
ما فيه مثله بالعطاء والحساني
عسى السحايب فوق قبره تمره
تاخذ ثلاث أيام سيله هتاني
قبر بشرق فليج تلقى مقره
ينبت عليه من الزهر قحوياني
عساه في قبره يشوف المسره
عقب التعب ينزل وسيع الجناني
والختم أصلي عد نجم المجرة
واعداد مازار الحرم مودماني
على النبي الهاشمي كل مرة
وصلوا معي ياللي تبون الأماني