غلا.. وغلا

لولا الحنين اللي برا حال رجال
ما حنت هزال الابل للسواني
ولا هفا قلب بدوي لأشهب اللال
ولا قال أبوه العود هذا مكاني
ولولامحبة الأرض لو عقب الامحال
مايبست ارماق وعروق ومحاني
ولولا الهجوس اللي خذتني للاطلال
ما كان داهمني الحنين وكواني
ولا قلت يوم انه تردّى بي الحال
ياليت يرجع ما مضى من زماني
ولا بقى في داخلي قدر مثقال
ذرة غلا حدد مداها لساني
غلا الديار اللي خذت مني البال
وغلا الحبايب والربع والعواني
وغلا المجورة قبل تتبدل أحوال
وتصير جيرتنا بليا معاني
ولولا الحنين اللي له بجد منزال
في داخلي ما صرت يا حال واني
ولا تشابه ليلي الباهت وطال
ولا هتف ماضي الزمان ودعاني
ولا حلمت بلحظة اقفاي واقبال
اجمع بها باقي بقايا حناني
ولا تخيّلت الزمن زول خيّال
وقاول يا غادي مكانك مكاني
ولولا الحنين اللي غزا قلب رجال
ما حنّت هزال الابل للسواني