في غيبتك

لحظة سكون الليل فيك اتعبتني
تعال خل الليل يرحل بنورك
احضن بكفك شمعة ودعتني
تعال واجرح من يعاند غرورك
تشربك نفسي بالحنان وظمتني
أبيك مرسى أتعبتني بحورك
دام إنها أمواجك هي اللي رمتني
روح البساتين البعيده زهورك
رويتها لكنها ما نستني
في عين من خلا هدبها عبورك
للقلب فرحه من عبيرك سقتني
دمعة ندم تاقف على أبواب سورك
مدري بكيته فيك وإلا بكتني
تعال وأنسى من حضر في حضورك
في غيبتك ما فيه عين جرحتني
أحمد عبدالرحمن الخراز /عنيزة