قبلة الإسلام

ا دارنا دار الشرف والشهامة
دار الفخر والدين مهد الرسالات
دار لها تاريخ عالي مقامه
دار الرجال اللي تشيل الثقيلات
دار على التوحيد ثبت خيامه
عبدالعزيز اللي تحدى الصعيبات
بالعدل والإيمان ارسى نظامه
وحد شعوبٍ عايشينٍ بغفلات
هي قبلة الإسلام امر وكرامة
منها بداء للدين نور ومنارات
دار على الطاغين سلت حسامه
دار الفهد دايم حصونه منيعات
وفي عهد ابو فيصل كسبنا الزعامة
هو ذخرنا هو فخرنا بالملمات
بارواحنا نفديك يارض الكرامة
وبدمنا تكتب لك اليوم الابيات
والشعب يعلن فزعته والتحامه
مع قادته ضد الفتن والنزاعات
ما هزنا تفجير بارض اليمامة
ولا يهزنا نذل يدير العصابات
ناسٍ لهم بالفسق طبع وعلامه
أهل القلوب القاسيات المغلات
واللي يخون الدين دربه ندامه
ما عندنا له كود حد الرهيفات
السيف يببرا له وسبق ملامه
هذا مصير اللي يخون الامانات
والدين محفوظ ليوم القيامة
والدار يحميها إله السماوات
وصلاة ربي عد وبل الغمامه
على نبي ثبت الدين بآيات