شبيه الريم

تعالي واتركي كلاً بفاله والهوى مقسوم
ترى يمكن يجي يومٍ تمنى شوفتي فيها
ولا تلقى من الدنيا سوى عيني وعينك دوم
أبضوي ضلمت الماضي وبحرقها وبطفيها
تعالي واسعفي باقي خفايا وقتي المهزوم
تعالي شتتي خوفٍ أسر نفسي لماضيها
أشوف أحلام بعيونك تجدد بي أمل معدوم
تعالي وازرعي بسمه ابضحك لك وببكيها
احبك أي نعم والله أحبك يادوا المسقوم
احبك كلمة وانت فهيمه في معانيها
رسمتك عالم الدنيا ولا ندري عن المرسوم
يليق ابخاطرك والا مقصر في حراويها
شبيه الريم في زينه وعينه ظلمة ونجوم
وصفت ابنجمة الظلما هدب عينك وخافيها
تحلا ريم في وصفه عسى ما يلحقه مليوم
الا ياوقتي الظامي ابشرب لك وبرويها
الا يا شمعة الدنيا الا ياحبي المحزوم
الا يامزنة هلت مشت من غيث ساقيها
تعالي واذكري وقتٍ على غيرك ترى محروم
تعالي والحقي نفسٍ عذاب الوقت طاويها