مرحوم يا كساب فعل الجميله

* رثاء في الشيخ/ عبدالمحسن بن غازي التوم رحمه الله :
جانا خبر وفاة أمير القبيله
أمير من روس أومراء القبايل
هات القلم يا ناصر وهات الفصيله
نكتب تعابير والدمع سايل
نبكي على شيخا ما جاين بديله
ياكود عيال الشيخ مكانه بدايل
مرحوم يامنصا اللي يجيله
ايضا وتنصاه بعض الحمايل
مرحوم ياكساب فعل الجميله
يفعل بالطيبين فعل الجمايل
يا الله يا مولاي وسع نزيله
وتغفر ذنوبه يوم كشف المسايل
أعتق رقاب حمولها ثقيله
بأمر الولي الواحد منشي المخايل
بأمر معازيبه أهل الفضيله
بعد فضل الله راع الفضايل
والحمد لله كل يوم وليله
والله يعز مطوعه كل عايل
آل السعود أهل السيوف الصقيله
حكام وأخبار والجد وايل
يحلون مشاكلا لو هي مستحيله
ويعتقون أرقابا عليها هوايل
الله يديم حكمهم سنين طويله
ومن أدامه الله ماجاه زايل
الله يجازيهم بخيراتا جزيله
ويدخلهم الجنه دار الأوايل
وصلاة ربي عد وبل المخيله
وعداد ما هلت مزون المخايل
على نبي وضح الله دليله
أرسله بالحق وبالحق قايل
نايف بن ناصر بن مجلبه الحافي