أظهرت الشكاوي

الله يغربلك يالحر النداوي
عينك مثل عين منسوع الجديله
ذكرتني به وانا كنت متشاوي
وزودت حملي وانا حمولي ثقيله
امحَل بي امحالة الوادي السناوي
اللّي له سنين ما قد سال سيله
ماهو قريّب وماهو فالحرواي
بيني وبينه مسافاتٍ طويله
هو يَم حسلهَ وانا يم الصداوي
ودّي بقربه ولا باليد حيله
ابات واصبح على لاماه طاوي
ابو رموشٍ على عينه ظليله
لو جيت احلّيه ما اعرف له حلاوي
فيه من الادمي تواصيفٍ قليله
ومن المزون البعيده فالعلاوي
ليا لاح برّاقها وسط المخيله
حداني الزّين واظهرت الشكاوي
والخافي اعظم تركته في سبيله
الله يساعدك يالقلب الشقاوي
اصبر ولابد ما تلقى وسيله
لو انها بالترجّي والمناوي
تمنّت الجود اليْدَيْن البخيله