طريق الحب

قلبي اللي صار لعبه للطواري
كلما هب النسيم يزيد شوقه
والمصيبه يوم أنا بالقلب داري
لكن ان حظي يصيبه ما يعوقه
قلبي اللي في طريق الحب ساري
مالقينا في زمنا مايروقه
كن من بين الضلوع أتشب ناري
والعشيق يموت لاحب معشوقه
أشهد أنه طال صبري وانتظاري
والمولع كن حبه في خفوقه
يا لطيف الروح يا شمس النهاري
لا تبوق الحب تكفى لا تبوقه
دمعي الهمال فوق الخد جاري
كيف غبتِ وانتِ الشمس الشروقة
حبك اللي انتشر في انتشاري
في شرايين الخفوق وفي عروقه
عام الأول يوم انا بالحب شاري
ساق قلبي في هواكم ما يسوقه
كني اللي ضايع وسط الصحاري
نشف ريقي ما لقينا ما نذوقة
والتغلي ما يفيدك باختصاري
والهوى من بعد فعلك طاح سوقه