بطاقة معايدة

يا الله تعيد العيد دايم على خير
على الرياض وكل شعب الجزيره
دار نبع منها الهدى والتباشير
المصطفى له وسطها خير سيره
بدّل ظلام الجو بالدين تنوير
وجعل لها عيدين ما فيه غيره
في عالم وسطه تدق المزامير
حنا بوطنّا في عيون قريره
في كل يوم به أفراح ومسايير
من عقب ما كل خيوله مغيره
بيت الشَّعَر بدل بقصر كما النير
والزل مفروشه بدال الحصيره
وركب الذلول اللي مع الغاره تغير
صارت تعوضها مواتر كبيره
وشحن النفوس وضرب حدب البواتير
صارت سيوف العلم تلمع كثيره
من عقب ما تصعب عليها المشاوير
تسهلت كل الدروب العسيره
الله لا يجعل على الدار تغيير
في كل عز مواصله للمسيره
بعهد الملوك العادلين المشاهير
يا نعم في هاك الوجيه السفيره
عبدالعزيز محرر الدار تحرير
وبعده عيال مثل منهج مسيره
بعهد الفهد للعلم والخير تكرير
في فكره الثاقب ماهو مستعيره
وعبدالله اللي ما يهاب المخاسير
الشعب كله شاف فضله وخيره
وسلطان أبوخالد يقود الطوابير
بقيادته على المعادي كسيره
والأمن نايف به حكيم التدابير
سيف بحزات اللوازم ذخيره