ورقة قديمة

يا راكب اللي فوقهن الحلق لاح
متيهات في ليال الخضارا
يا زينهن يوم اقبلن عقب مرواح
يشدن فريق الصيد يوم استذارا
منصاكم اللي للعشاشيق ذباح
اللي جمع عقل وزين العذارا
ردوا سلامي يم ساره بالانصاح
ياللي تجون ديارهم بالخبارا
انا ما اجيهم غير والسبر طفاح
على النضا ومحيلات المهارا
في ضف نمرا كل من شافها صاح
معزل مركية ابو زبارا
يا امير ماتامر عليهم بالاصلاح
تلقا النزول بصفنا من يسارا
حتى الى زان الحيا والمطر طاح
وظعوننا وظعونهم جت تبارا
مقيظهم في وادي غردقه فاح
تسقيه محال وحيل تجارا
ومقيظنا مشهى المصاغير ولقاح
مران عد مشرهفات البكارا
قالوا لي اصلح قلت ما دونها اصلاح
كود النجوم تشاف وسط النهارا
والا الحسا يرحل وينزل بالاسياح
والا تجيه هضاب صبحا تبارا