في ظل أبو فيصل

شعر الأمير عبدالعزيز بن سعود بن محمد آل سعود
نشا السحاب وهلّ وبله على الدار
وأصبح مروج أزهار يوم ورا يوم
سبح رعد غر السحايب بالأمطار
ونبت الثرى والقاع مخضر وماسوم
وتلونت روس الزماليق بأزهار
ورفرف لنا عزٍ بعيدٍ عن اللوم
وأهل الوطن في عز منقولة أخطار
والخير فاض لكف سايل ومحروم
في ظل أبو فيصل ذرا الضيف والجار
الحق وافي ما يجي منه مثلوم
شيخ الشيوخ اللي على الأمه إستار
الأمه اللي تشهد الحج والصوم
أمة محمد في بعيدات الأقطار
واحمايته عدت على الفرس والروم
رايه يقدي يا عرب كل محتار
الى تلوّت عوج الأريا بمنجوم
لا ضاع شور اللي يقدون الأشوار
شوره يوردهم على الدرب ملزوم
فهد العدل. فهد العرب. واف الأشبار
مَضرب مثل في حب حاكم لمحكوم
طول الليالي جعله ابخير ومجار
فنار عدل مناصرٍ كل مظلوم
العيد به عيدين والعيد لي دار
عليه يا جعله من الشر معصوم
شيخٍ لشعبه بالغلا مصخّيٍ بار
يحبه اللي من عجا الديد مفطوم
حبٍ على وضح النقا ما بعد صار
إلا لبو فيصل عسى عزه يدوم
حبٍ شهوده طاعةٍ تجلا الأمرار
دونه نبيع الروح ونرّخص السوم
عيدٍ يعوده عاد للشعب بأسرار
وأفراح للي تنكر عيونه النوم