مرحبا حييت وأيامك سعيدة

باسم من يزهى القصايد بالبلادي
باسم نايف ما حلا بدع النشيده
والمشاعر صادفة حبٍ وكادي
مرحبا حييت وايامك سعيده
فرحة الشعب السعودي لك تنادي
من لمحت اسمك ورسمك بالجريدة
هيضت يا امير مكنون الفؤادي
كنها للناس كله يوم عيده
ما تفرق بين حضره والبوادي
نحمد اللي سلمك مكرم عبيده
تنتظرك الدار بأرواح تفادي
يا زعيم الامن يا ساسه وسيده
يا عريب الجد يا طير الهدادي
انت رمز المجد بارياك السديدة
وانت راع الجود بأيام شدادي
يا ولد من شال سيفه فوق بإيده
لين وحدها على خير المبادي
ابو تركي وعساها في رصيده
جنة الفردوس من رب العبادي
ناصر التوحيد حماي العقيده
عز دينه بالعزيمة والجهادي
والجزيرة لبّسه حله جديده
واستراحت من عناها والنكادي
واستلمها بعد ابو تركي وليده
من سعود لفيصل لخالد سدادي
ثم فهد اللي يحقق ما نريده
خادم البيتين للشعب استنادي
يشهد التاريخ بأفعال وكيده
من حكمها والمفاخر بازديادي
عاش ابو فيصل وعبد الله عضيده
وعاش منهو يا عرب ماله ملادي
ذاك سلطان الكريم الله يزيده
ما يحسب طير شلوى للنفادي
واطلب المولى بالاعمار المديدة
للفهد وآل السعود ابلا عدادي
فهد بن عبد العزيز الرميان - امارة منطقة القصيم