مواساة

يا الله يا منزل تبارك والانفال
يا الواحد المعبود رب العبادي
يا مقلب الدنيا على كل الأحوال
ترحم حنون ما تهنى الرقادي
في كل ليلة صوتها جرته عال
ونة مع دمعة تسبب نكادي
على فلذة كبدها عمرها زال
ورعٍ صغير لفته بالمهادي
قامت تشيله دمعها صب همال
وقامت تبوسه فوق خده تنادي
يا لوعة اللي صاب عقله من هبال
على فقيدٍ في حشا الجوف بادي
قامت تذكر ضحكته روح واقبال
وقامت تذكر غاغته بالركادي
الصبر يا بنت الأجاويد وان طال
للمؤمنة مثلك سكينة وزادي
يا جعل ربي يرزقك زود بعيال
من طيب العيلان عون وعمادي
والخاتمة صلوا على طيب الفال
على النبي اعداد ما سال وادي