كنت الحياة

اقسم برب البيت لا ابعد وخليك
وأطوى الهوى وامسح من البال ذكراك
ما قلتها لك لاجل اكيدك واربيك
قصدي جفاك ونيتي طول فرقاك
ياللي غرور وغطرسة عايشه فيك
كرهت حتى اللي يجيبون طرياك
جرحت قلب بالغلا كان شاريك
ما ظن قلبي بعد ما صار يبغاك
كنت الحياة ونور عيني ومغليك
وكنت أتمنى يوم شوفك ولقياك
خلّ الذي غيرك ينفعك ما ابيك
ما ابكى على مثلك ولا اريد شرواك
ضيعت كل الحب والشوق بيديك
وضيعت قلب كان بالامس يهواك