مالوم أنا قلبٍ شكى الهم والبين قلبٍ من اللوعات شاف الغبينه علم لفانا في مساء يوم الاثنين نجمٍ هوى والقلب اسمع ونينه ياعين هلي صادق الدمع ياعين الحزن طاغي والمشاعر حزينه أحمد رحل ابن الملوك المسمين والعين تبكي والعباير سجينه رمز الوفاء بحر الندا والعناوين فرز الوغا درع الحصون المتينه رجل الفكر رجل الأدب والقوانين تنفق يدينه ما تحوشه يدينه ابن القيم وابن الشيم والسلاطين العقل واعي والمبادي رزينه ياقف مواقيفه على العسر واللين بول سنينه لين آخر سنينه أبو اليتامى والضعوف المساكين سحابةٍ تمطر بياض وسكينه من وين ياتيه الردا بس من وين بحر الكرم فيه الجواهر ثمينه يبكيه قصر الجود حينا بعد حين ويبكيه من عيا زمانه يعينه وتبكيه خيل السبق وسط الميادين وتبكي على فرقاه كل المدينة وتبكي الحضاره والرياضة مضامين وصرح المعالم من يسار ويمينه وحتى الصحافة والشعر والدواوين تبكي حزن اليا ذكرنا جبينه أبوه ابوانا لا رجحن الموازين أبو فهد مبري الكبود الحزينه ضلٍ يضللنا فياض وبساتين ترفع له البيضا شراع السفينه أمير نجد اللي كعام المعادين سمٍ ذحاح للقلوب الضغينه إن كان فالتاريخ فعل وبراهين سلمان له فالطيب سجل وخزينه يالله يامنزل تبارك وياسين يا عالم الأسرار لوهي دفينه ترحم فقيد الشعب يا ناصر الدين العلم فادح والخلايق رهينه امين يارب السموات امين غبينةٍ ياكبرها من غبينه ناصر بن كروز بن ناصر بن منيخر
