يا متعب أقدامك على كل نوماس

نايف ولا غيره من الناس نايف
نزفها بقلوبنا.. ابلغ احساس
لك يا حبيب الكل ملجا الضعايف
باسمى التهاني.. قالها الشعب لا باس
بقلوبنا وعيوننا والشفايف
طهور يا للي سيرتك ترفع الراس
سجل لك التاريخ بيض الصحايف
يا متعب اقدامك على كل نوماس
يا بو الضعيف اللي من الظلم خايف
قدرك تعى واعتلى عرش الاحساس
قلبك لنا في كل الأوقات رايف
عدلك وطيبك شاملٍ كل الأجناس
أمن وأمان وخير.. والكل شايف
امجاد فعلك خالدة خير نبراس
ورايك سديد وفيه تبرى الحسايف
شلت الشدايد ما لها عندك قياس
على مشاريف المحافل خفايف
غلاك فينا ما يترجم بقرطاس
حبك ترعرع بالضلوع النحايف
الله يردك للوطن زايل الباس
يا نايف بالطيب عن كل نايف
عبدالله الرشود