الصادرات السعودية غير النفطية تسجّل أداء تاريخيا في عام 2024    دنيا حظوظ    التغريدات لا تسقط الدول.. ولا المساحات تصنع السيادة    مكافحة المخدرات معركة وطنية شاملة    التحول الرقمي في القضاء السعودي عدالة تواكب المستقبل    قوانين الفيزياء حين تنطق بالحكمة    زراعة عيون الجواء تستزرع أشجار برية في أسبوع البيئة    انفجار ضخم في ميناء بجنوب إيران يسفر عن إصابة أكثر من 400 شخص    بحضور الصبان.. تألق اليرموك والحريق والهلال يتربعان على قمة التايكوندو    "المنافذ الجمركية" تسجل 1314 حالة ضبط خلال أسبوع    المؤسسة الدبلوماسية بالمغرب تمنح مدير عام الإيسيسكو الجائزة الدولية للدبلوماسية الشعبية    بلدية قوز الجعافرة تكرم شباب القرية    جيسوس: الفوز بهدف فقط أفضل من خسارة كانسيلو    مدرب السد يُحذر من مواجهة كاواساكي    ثمار المانجو تعلن موسم العطاء في جازان    منصات التواصل والتأثير: هل أصبح كل شاب إعلاميًا؟    جازان تصنع الحدث: إطلاق أول جمعية متخصصة بالتغذية العلاجية على مستوى المملكة    ثقافة الاعتذار قوة لا ضعف    ضبط (19328) مخالفاً لأنظمة الإقامة والعمل خلال أسبوع    رؤيتنا تسابق الزمن    أمطار رعدية ورياح نشطة على عدة مناطق في المملكة    وزير التعليم يرفع التهنئة للقيادة بما تحقق من منجزات تعليمية    وزارة التعليم تستعرض منصاتها في معرض تونس الدولي للكتاب 2025    أبها تتغطى بغطاءها البنفسجي    تركي بن محمد بن فهد يرفع التهنئة للقيادة بمناسبة ما تحقق من إنجازات في مسيرة رؤية المملكة 2030 بعامها التاسع    وزير الصحة: تطبيق نموذج الرعاية الصحية الحديث أسهم في رفع متوسط عمر الإنسان في المملكة إلى 78.8 عامًا    ريال مدريد ينتقد اختيار الحكم الذي سيدير نهائي كأس إسبانيا    مجلس الأعمال السعودي - الأمريكي يستضيف فعالية تواصل استثمارية رفيعة المستوى    للمرة الثالثة على التوالي ..الخليج بطلاً لممتاز كبار اليد    بيراميدز يحقق ما عجز عنه الأهلي    وزير "البيئة" يرفع التهنئة للقيادة بمناسبة صدور التقرير السنوي لرؤية المملكة وما تضمنه من إنجازات    زيلينسكي: أوكرانيا تريد ضمانات أمنية أمريكية كتلك التي تمنحها لإسرائيل    الاتحاد السعودي للطيران الشراعي يُقيم معسكرًا لفئة النخبة    نائب أمير تبوك: رؤية المملكة 2030 حققت قفزات نوعية وإنجازات    عام 2024 يُسرع خُطى الرؤية السعودية ويسجّل إنجازات استثنائية    ثانوية الأمير عبدالمحسن تحصد جائزة حمدان بن راشد    أمير منطقة جازان يرفع التهنئة للقيادة بما حققته رؤية المملكة من منجزات في الأعوام التسعة الماضية    موعد مباراة الهلال في نصف نهائي دوري أبطال آسيا للنخبة    مستشفى خميس مشيط للولادة والأطفال يُقيم فعالية "متلازمة داون"    "عبيّة".. مركبة تحمل المجد والإسعاف في آنٍ واحد    الرئيس العام لهيئة الأمر بالمعروف يلتقي مديري عموم الفروع    في الدمام ( حرفتنا حياة ) ضمن مبادرات عام الحرف اليدوية 2025    "حديث المكتبة" يستضيف مصطفى الفقي في أمسية فكرية عن مكتبة الإسكندرية    إمام المسجد الحرام: الإيمان والعبادة أساسا عمارة الأرض والتقدم الحقيقي للأمم    إمام الحرم النبوي: حفظ الحقوق واجب شرعي والإفلاس الحقيقي هو التعدي على الخلق وظلمهم    تنفيذ ورشة عمل لاستعراض الخطط التنفيذية للإدارات في جازان    الشيخ صلاح البدير يؤم المصلين في جامع السلطان محمد تكروفان الأعظم بالمالديف    تقلص الجليد القطبي    خشونة الورك: الأسباب.. التشخيص.. العلاج.. الوقاية    محافظ صبيا يشيد بجهود رئيس مركز العالية ويكرمه بمناسبة انتهاء فترة عمله    محافظ صبيا يكرم رئيس مركز قوز الجعافرة بمناسبة انتهاء فترة عمله    رئيس نادي الثقافة والفنون بصبيا يكرّم رئيس بلدية المحافظة لتعاونه المثمر    بلدية صبيا تدعو للمشاركة في مسيرة المشي ضمن مبادرة #امش_30    بناءً على توجيهات ولي العهد..دعم توسعات جامعة الفيصل المستقبلية لتكون ضمن المشاريع الوطنية في الرياض    أكدا على أهمية العمل البرلماني المشترك .. رئيس «الشورى»ونائبه يبحثان تعزيز العلاقات مع قطر وألمانيا    لبنان.. الانتخابات البلدية في الجنوب والنبطية 24 مايو    ملك الأردن يصل جدة    10 شهداء حرقًا ووفاة 40 % من مرضى الكلى.. والأونروا تحذّر.. الاحتلال يتوسع في جرائم إبادة غزة بالنار والمرض والجوع    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



حلول اللغز
نشر في الجزيرة يوم 04 - 02 - 2000

نشرنا في الاسبوع الماضي لغزاً كتبه الشاعر ناصر المسيميري وجاءت الحلول كما يلي:
هذاك اللي انعرفه ما عليه ليا دخل مدخال
واحبه يالمسيميري واحب اللي يحبونه
حليب اللي ضون شبعا والارض من الربيع اشكال
الا يازين بالصملان لا قاموا يخضونه
سرور سفاح المطيري
المذنب
***
ألا يا ناصر اللي قال شعره والسعد ما قال
ترى لغزك عرفته واتضح لي بان مضمونه
انا اقول الحليب اللي عرفته يا وسيع البال
حليب بالصميل اصبح لبن للي يخضونه
وبعد خضه طلع زبد ولا مثله يسر الحال
وعسى ربي يديم الخير,, كل الناس يرجونه
محمد بن عبدالعزيز الخنيفر
***
الى صفحة تراث الشعر ودي ارسل المرسال
لعل احظى بحل اللغز ضمن اللي يحلونه
ولغز ابن المسيميري حليب يغذي الاطفال
بعد خضه يصير لبين والعقال يشرونه
سعود عبدالله المساعد
الرياض
***
يا ناصر مرحبا ترحيب لونه يقهر العذال
يشب النار في قلب الحسود ويعمي عيونه
يفوح العود الازرق في قدومك والشحم ودلال
نقدرك وشياطين البشر والجن ملعونه
وقاف الشعر في شكل (الحليب) ويلزمه غربال
ولو ما غربل الرجال ما جا منه مزيونه
صالح سفر العمري
***
هلا با استاذنا الغالي هلابك يا عريب الخال
هلابك يا بوعبدالله وهلا باللغز وفنونه
عرفت الحل يا ناصر ولا عندي عليه اشكال
حليب بالسقا يوضع وخلق الله يعرفونه
صالح التميمي
***
يا ناشدٍ عن رجل في بطن رجال
جعل المطر يسقي اديارك امزونه
اللغز شوقني وانادا له البال
حليب يمخض والبدو يعرفونه
نايف علي الغرابي
حائل
***
يا مر حبا بك عد ما هل همال
وعداد ما هلت حمايل امزونه
واللغز يا ناصر عرفناه بالحال
حليب لا خضوه يطلع بلونه
حجاب عسير الزراقي
حائل
***
الا يا مرحبابك يالمسيميري وكيف الحال
والا يا مرحبا باهل التراث ومن يحبونه
قرينا اللغز يا ناصر ولغزك ماطرى بالبال
ولكنك به احييت التراث بكامل فنونه
تذكرنا الصميل اللي نسوه الناس يا رجال
عجيبه كيف هذاك اللبن والزبد ينسونه
عطا الله بن سليمان العطاالله
الزلفي
***
الا يا مرحبا ماناح ورق ولاح برق خيال
والا يا مرحبا واهلا هلا ما هلت مزونه
ولغزك يالمسيميري نحله يالوفي بالحال
حليب بالصميل اصبح لبن والزبد من لونه
خليل الشبرمي
***
عقب مااني قريت اللغز يا ناصر طرى في البال
جواب اللغز وابدعته على قاف تعرفونه
ترى حله حليب في صميل معلق بحبال
وعقب يطلع لبن يشرب بعد ما انهم يخضونه
عبدالله بن مبارك الجريدي
المزاحمية
***
هلا باللي حبك لغزه على المعنى وجاب امثال
بصفحة تعتني بتراثنا اللي تعجب افنونه
وترى (الحليب) ليا خضه (صميله) اسمه راح وزال
وطلع باسم (اللبن) ما هو حليب ولا اختلف لونه
عبدالحكيم بن علي الطريقي
الزلفي
***
جميل اللغز يا ناصر وغيره ما خطر بالبال
حلو مثل الحليب بنكهته قبل يخضونه
سعدنا يالمسيميري بلغزك في شهر شوال
ونطلبك المزيد ابداعكم لا لا تحجبونه
انا خابرك تهوى اللغز واليوم تجيب امثال
وش اللي غير الاحوال والماضي تناسونه
موسم بن سفر القثامي
الطائف
***
عرفت اللغز يا ناصر وهو محبوب للاجيال
حليب ياكثر ناس بها الدنيا يعشقونه
يدخل بالسقا ويخض ويصادف من الاهوال
لما يصبح لبن والزبد من فوقه يشوفونه
سهر الحسين
الرس
***
سلامي كل ما ضل الوديه بالعصاري مال
حد وشعله شعاع الشمس والشلال من دونه
ترى لغز الجزيرة يوم ناصر للمعاني قال
يقولون الحليب اصبح لبن والزبد مكنونه
نافع الحربي
الرياض
***
قريت اللغز يا ناصر ولغزك وافي المكيال
وذي رمعة فطين نظرته ما تخيب ظنونه
حليب في صميل غربلنه لابسات الشال
لذيذ ما ظهر منه شراب او بنت مزيونه
دحيم الجلعود
مدينة سميراء
***
اللغز يا جاني وانا سايح البال
طلاسمه تاضح ونفتح سجونه
هذا اللبن والزبد يا طيب الفال
الزبد من صلب اللبن تظهرونه
مشعل فهد مهوس الشمري
الرياض
***
سلام الله على من يبدعون القاف والامثال
جديد الشعر من ناصر بيوت دوم موزونه
اظن الحل ما يخفى نشوفه مثل سود جبال
نبي نعطي الهدف طلقة وكل الناس يرمونه
انا اقول الحليب اللي جرى له (بالصميل) اهوال
طلع منه اللبن والزبد وين اللي يحبونه
مشاري خالد الدعجاني
الوشم شقراء
***
الايا مرحبا واهلا هلا بالحل والترحال
وحل اللغز ما يفحم رجاجيل يعرفونه
ترى الحل الحليب من اللبن يا طيبين الفال
وزبده حلنا من واقع المعنى ومضمونه
حمد بن عبدالله الشبرمي
سميراء
***
انا اباقول يا ناصر تفضل واشرب الفنجال
ترى لغزك حليب البدو لاقاموا يخضونه
هذاك افضل طعام وقوت يا ناصر على اية حال
هذاك اهو اللبن والزبد والصميل ما عونه
محمد نوران جهيم الرشيدي
الرياض
***
قريت اللغز واعرف حله الواضح بدون جدال
حليب ليا دخل وسط الصميل الناس يشهونه
دخل باسم الحليب وطالع باسم اللبن مازال
على لونه وتطلع زبدته لاجو يصبونه
محمد باني عقاب الدوسري
***
على شان الجزيرة والرجال اللي لها منزال
كتبت الحل والشعار بالجمعة يشوفونه
صحيح ان الحليب اصبح لبن ما عاد فيه اجدال
لكن الغرب ولا والمصانع جات من دونه
خلف الرقاص
***
ألا يا شاعر للناس تروي قصة الامثال
هلابك ما نشى نو صدوق وهلت امزونه
هلا بك والمثل يبقى ولو جار الزمان وطال
عقب وثقت له قصة محال الناس ينسونه
بعد واظن لغزك بيننا بين وله منزال
حليب ولاجل عين الزبد يا ناصر يخضونه
فهد الجروان
الزلفي
***
الى صفحة جريدتنا الجزيرة والخبر ينقال
بعد ناصر نشر لغز وكل الناس يقرونه
قريب اللغز يا ناصر وحله حاضر بالحال
حليب خالص صافي من الانعام يجنونه
كثير الناس تحتاجه وتدفع به من الاموال
وكل طفل بعد توه صغير منه يغذونه
سلطان سعود الملحم
الزلفي
***
انا لغزك لقيته يا المسيميري مع العمال
يخضون السقابه واخلفو اسمه بلالونه
غدا يعد الحليب اسمه لبن ويبيعه البقال
وبنته سميت بالزبد للخضاض مضمونه
أبوعبدالعزيز
الزلفي
***
نشدنا ناصر اللي فالجزيرة يكتب الامثال
كريم من كرام الرس قول اللي يعرفونه
وحنا فالجزيرة ياجب انا انجاوبه فالحال
وناصر في ضحى الجمعة يشوف الحل بعيونه
وحل اللغز صادر اليوم في ثلاجة البقال
عقب ما هو في بطن الصميل اللي يخضونه
سقى الله الزمان اللي مضى مع ماضي الاجيال
اهل ذاك الزمن ناس لبنهم ما يبيعونه
سعود بن شنار السهلي
الدرعية
***
هلا يا مرحبا بالشاعر اللي للعقد حلال
عدد وبل السحاب اللي تقادح بارق أمزونه
سحاب عم سيله مملكتنا في سهل وجبال
نقع سيله وعشبه زاف والبدوان يرعونه
وعلى جال الفياض يفلي الشاوي مع الوبال
وكل (يحتلب) مما عطاه الله بما عونه
صويلح بن عبيسان الشيباني
الرياض
***
الا يا مزنة غراء وسيعه بالطلب والفال
ثقيل مزنها بالخير والخيرات مدفونه
ومرها الله على دار المسيميري ودار الجال
وعمت بالقصيم وتسقي الوديان وركونه
ترى لغزك يحط بوسط صملان لها معدال
حليب ينتج الزبده وصافي مغتر لونه
خالد سليمان الجريش
الرياض
***
قريت اللغز يا ناصر وحله ياصلك بالحال
عسى ربي يسوق الخير حتى الناس يجنونه
حليب الابل يا ناصر ترى ما يقبل الغربال
وراعي الوضح محبوب وكل الناس ينصونه
محمد صالح العضيب
البدائع
***
سلام الله عليكم يا بو عبدالله سلام ارجال
قريت اللغز بالصفحة وكل الربع يقرونه
عسى ربي يجيب السيل من سحب يجي همال
تزين الارض من عشب جميع الناس يرجونه
حليب صافي وسط الصميل يصير له مدخال
الى منه نجح صب اللبن للي يريدونه
علي رشيد الرشيد
رياض الخبراء
***
ترى ربعك على خبرك معك لو زعلوا العذال
يدور العود الأزرق بينهم والطيب يشرونه
ليا مريت شارك يالمسيميري وخذ فنجال
ضحى الجمعة ترى معناك يا ناصر يحبونه
يعود الفضل والمعروف للي للوفاء مدهال
رجال بالجزيرة فعلهم باخلاص يبنونه
على درب الصراحة والوفاء والصدق أوي ارجال
على وضح النقاء مثل الحليب أبيض تشوفونه
الزلفاوي
الزلفي
***
أحب اللي ليامنه هرج هرجه حكم وامثال
لسانه ما يعرف الغيبه أو قالوا يقولونه
ولا يلقي خطا الناقد على هرجه ولا مدخال
يجيب لسانه الطاهر هروج الصدق موزونه
إله الكون يفرجها ويظهر للعقد حلال
مدام ان الحليب ابيض عيون الزبد مضمونه
محمد عبدالكريم الغزي
الزلفي
***
ألا حيا الله أهل الرس واللي حولها نزال
وقيفان تجينا من ديار الرس موزونه
وألا ياناصر أخذ اللغز من صافي وزلال
تراه العذب لا من مر بلفلتر يصفونه
أبو تركي
الزلفي
***
الا يا ناصر اسمع رمعتي للغز يا رجال
الا يا ما حلا لغزك وبدعك فيه وافنونه
حليب اليا دخل وسط الصميل وذاق ضرب الجال
طلع باسم اللبن والزين زبدٍ فيه تلقونه
عبدالله بن سعود الدغيثر


انقر هنا لقراءة الخبر من مصدره.