حروف الحب

معنى حروف الحب كلّه بعينك
الله جمع فيها حنان وخناجر
الحاء.. حرام انك تعذب ضنينك
والباء.. بمان الله إذا كنت هاجر
ان كنت خلي اسقني من حنينك
خل الهموم اللي بصدري تهاجر
وازرع زهور الوصل بيني وبينك
ولا تسمع لكلمة عذولٍ وفاجر
ما حداً لقيته في حياتي وزينك
يا بسمة أيامي وشوق المهاجر
كل ما بغيت انساك وانسى سنينك
ألقاك ساكن بين قلب ومحاجر
والله أحبك في قساتك ولينك
واهواك لو وصلك وقف فيه حاجر