الأطلال

اللي تحبينه من العام ناسيك
ويا قلب لا تتبع دروب المقفين
داوي جراحك دام خلك مجافيك
يا صاحبي وش غيرك كيف تنسين
وانا الوفا والحب والود معطيك
أتلى العهد بك ليلة قبل عامين
ومن بعدها عايش على اطلال ماضيك
اليا ذكرتك هل دمعي من العين
ويفز قلبي كلما حل طاريك
ورعيّتك لاشفتها قلت تدرين
ياذا الرعية وين هو اليوم راعيك؟
كنت اتحرى فيك من حين لا حين
ويزيد شوقي لا اقبلت لي حراويك
ولا جا نهار العيد وانتم بعيدين
عيدي حزن ودموع والعين تبكيك
ما احسب يجي لك يوم عني تخلين
خانتني اضنوني وخاب الأمل فيك
انسى ونصبح عن بعضنا غريبين
ولا مر ذكر اسمي ما كنه بيعنيك
وفي يوم لو باطلال حبك تمرين
تذكري حب هدمتيه بيديك
بنساك ما دامك لحبي تناسين
تصعب علي فرقاك لكن مابيك
معيض محمد ملحق الحارثي
الطائف