مفرق الخلان

بيوم الاثنين أعوذ بالله من الشيطان
وفاة الحبيب ودمعي أهمل على شانه
ألا يا بنات العم الى أفزعن الآن
بعذرا تربح خاطري بعد خسرانه
حبيبي رحل من عندي أرجي له الغفران
عسى جنة الفردوس داره ومسكانه
حسين المزايا ما نقارنه بأي انسان
مزود بذوق الخلق من عند رحمانه
ولا والله اذكر منه هسه ولانقصان
معي طول عشرتنا ومع كل جيرانه
الهي ومنك استلهم العفو والرضوان
عن الجادل اللي راح من بعد وجدانه
تسبب له الدكتور بعلاجه اللي كان
حسيبي عليه آمين يارب وأعوانه
عطوه الدواء وأثر الدواء داءه بالحسبان
ثلاثة شهور بكم لاعاد تقنانه
لياشفت بيته ضاق صدري وبالي شان
تلوح عيال المهزلة فوق جدرانه
هذا البيت من راعيه حلحل به الحرمان
عليه الزمان أجهز وسمح القبل خانه
بعد موتته بايام دغوابه القشران
وصار الغبار ملبداً فوق بنيانه
كذا الموت مأموراً من الواحد الرحمان
على المسلم اللي مؤمن بقوة إيمانه
ليا جاء خذا مايرحم مفرق الخلان
ولا منه أمان لا حضر ثار بركانه