وقالت نهجها مرٍ وحالي تمنينا عضيد الشعب يسلم ولكن صار من حالٍ لحالي ولا دفع المنايا بالتمني ولكن دفعها لاجت محالي نعينا الي نعاه الشعب كله عزيز عند كل الناس غالي فقيد الامتين ابو اليتاما علا مصلوح شعبه ما يمالي تقيٍ ناهج نهج الصحابه فريد الوصف لله الكمالي يقول اخاف من وزر البريه ليا قابلت مولايه لحالي بذلت الجهد في مرضاة ربي واعد الشعب من حسبة عيالي عسى دمعي عليكم شافع لي وعسى شعبي عقب موتي دعالي وكم مره لياضقت اشتكيله وكم مره من الضيقه شكالي وقال اوصيك ياداري وهلها واخص ابها عزيز جاء بدالي ترى نيل الحكم ماهوب مكسب امانه ترتهب منها الرجالي ابت عنها السماوات وتبرت وعصت عن حملها صم الجبالي ولكن الولي بالحكم خصه ولا في حكم سيدكم جدالي ترى الواجب عليكم تسندونه ولا تعطون لعداكم مجالي رحمك الله ياصقر العروبه عوضنا فيك من رب الجلالي تغيب نجوم ونجومٍ تبيّن الا جعل البقى في الي بقالي عزانا فيك ياحصان الطلايب ولا غيرك لحكم الدار والي تشيل الحمل وتقود المسيره وترفع رايتي فوق الطوالي هديب الشام لا من قيل وينه الا كم مرةٍ جاء وارتكالي زعيم فيه ميزات الزعامه خذى منها الفريدات الجزالي على كثر الوجيه اللي تجي له يعرف الخصم من وجه الموالي تحسب المدح والضحكه تغره ولكنه عديم مايبالي وسيع الصدر محمود السجايا مقامه عن كثير الورد عالي سلام الله علا هداج تيما غزير الجم والعذب الزلالي آلا من غيركم يذكر ويشكر مدى التاريخ من اول وتالي آلا من غيركم ينصا وينخا ليامن بركت عوص الجمالي آلامن غيركم قاد السرايا وفتح شبه الجزيره بالسلالي الا من غيركم يخشى جنابه علا قب الرمك وقت القتالي آلامن غيركم يحف النجيبه غدت عقب الشحم مثل الهلالي الا كم من زعيم قد زبنكم يعيش بظفكم داله وسالي تروح العُرّب وتعود عليكم ليامن حملها في الوقت مالي - فرج بن سعود بن شويشان
