المملكه والشعب بيدٍ أمينه

وانت الذي مهما حصل حامدينه
اليوم ابو متعب رحل عقب ما كان
قايد مسيرتنا وشعبه عوينه
أدى لنا الواجب بحنكه وبتقان
مثل الملوك اللي لنا سابقينه
يارب تغفر له وتجزيه باحسان
تجبر عزا كل النفوس الحزينه
وانك تبارك في ملكنا كحيلان
خادم بيوت الله وراع السفينه
سلمان راس المملكه وبل الامزان
خادم بيوت الله عسى الله يعينه
يا قايد الامه ويا فخر الاوطان
يا منهل التاريخ حامي عرينه
بسم الولا واسم الوطن واسم الايمان
قمنا لقايد شعبنا امبايعينه
سلمان وان ناديت بالصوت سلمان
تشرق شموس وتنتثر من يمينه
والفخر لو هو شخص في طول الازمان
لاصبح لسلمان المواقف رهينه
تشرق به الدنيا وترواه الاذهان
والمجد يتعطر بسيرة سنينه
صارت مواقيفه للافهام ديوان
تدرس معانيها العقول الذهينه
حنا جنوده من حديثه لجازان
يامر وحنا بالولا طايعينه
وليا ذخرنا في مسرات واحزان
حنا لوقفات القسا ذاخرينه
حنا عطيناه الولا سر واعلان
والمملكه والشعب بيدٍ أمينه
- الشاعر/ د. محمد بن حمدان المالكي