راحوا

فجع الشاعر النجم فهد الشهراني بوفاة شقيقه يحيى وبعد انتهاء العزاء وخلو أماكن المعزين غلب الشعر فهد فبكى ورثى:
راحوا بعد ماكانوا الناس جُلاّس
وهذي كراسيهم ليالي عزانا
هي خاويه والصدر خاوي ومحتاس
ماعاد فيه اللّي يهوّن بلانا
مرّت ثلاث ايام ياضيق الأنفاس
وش عاد باقي ماقسمته وجانا
حنّا بشر تكفى ترفّق على الناس
اللّي محاجرهم بكت من بكانا
تعال عندي لو تقطّعني بفاس
واترك حنايا والدي واقربانا
انا هنا كلّي من الساس للراس
خذ ماتبي منّي وجنّب ضيانا
امّي عساني فدوة الراس والساس
جنّب مرابعها وخلّك معانا
ماعاد باقي شبر للفَرْحْ ينقاس
لو قست بشته مايكفِي حدانا
الهم داهمنا وهو كان عسّاس
في ليلتن خلاّ البشر واصطفانا
وش نستفيد اليوم من قرع الأجراس
خلاص مابه شي باقي ورانا