بصمة ناعمة

- الراسية

وأنت قلبٍ كل نبضاته خطايا
أستحق الود وإلا ما أستحقه
ذا نصيبي منك يا راع الهدايا
أنت ياللي تهدي الثوب وتشقه
ما تخاف الله وضلوعي عرايا
كل جرحٍ منك دقة فوق دقة
دقة جروحك مثل وشم الصبايا
البلا أني شفت في الدنيا مشقة
والشقا غيث مغاتيره روايا
أذكر إني قلت دوك الما وبقه
وأثرني سقت المطية والعطايا
حسبي الله كيف خفاقي تعقه
تنثر الما كن ما حولك ظمايا
قوم وق القلب وإلا قم توقّه
يا موردني على حوض المنايا
يا رفيق الدرب قلبي ضاع حقه
وانت ما تبغي مشاريه ووصايا
ذا قراري وانت لو تسمح تلقه
لا تعذر ما بقى عندي بقايا
- الراسية