الفجر

بابٍ بآخر الليل مفتوح
وعيّا النهار ينام ويصك بابه
الليل.. ستر اللي به القلب مفضوح
ليت الفجر ما جا.. وشقق ثيابه
الفجرْ.. سوطٍ يجلد الليل ويبوح
بسر الظلام اللي غرس فيه نابه
إن جيت ابرجع.. غصب عني له اروح
وان رحت له.. ضيّعت عمري وشبابه
بوقف بوجه الفجر.. لو راحت الروح
واعلمه إن الغلط في صوابه
واعلمه.. آسف وممكن ومسموح
واعلّمه طعم السهر والكتابه
واعلمه وشلون يخفي بنا جروح
واعلّمه إن البقا.. في ذهابه
يا فجر.. باب الليل في المغرب يلوح
ودّع نهارك.. يفتح الليل بابه