الغالي المقفي

هلا بالغالي المقفي بعد طول الغياب وجيت
هلا يا سعد هالجيَّه هلا يا فرحة المشتاق
على درب الوفاء جيتك مفرّح خاطري وأبديت
شعورٍ يكبر وينمو مقرّه داخل الأعماق
على درب الوفاء جيتك وأقول اليوم ما وفيّت
لأنك راحتي ودواي لأنك نوري البرّاق
تدلّل يا بعد كلّي تدلّل صبح والاّ أمسيت
تدلل وأرفق بحالي ترى حالي بقربك راق
أعيشك حاضر وغايب أعيشك حي والاّ ميت
أعيشك كل حالاتي فرح والاّ حزن حرَّاق
وقيل الحب لو يكبر مصيره يصغر مهما أعطيت
وأقول الحب لو يكبر تعلاَّ نجمه الآفاق
خطى من قال ها لمبدأ مقوله ما لها تثبيت
وأنا حبّي زهى وقته ونبتة طيب الأذواق
هلا يا رجعت الغالي هلا يا مرحباً حييت
تنّور دار من حبك بعد شوفه عنا وفراق