يا غازي راح من العمر خمسة عقود والله هو العالم وش اللي بعدها أنا أحسب ان العمر ما ينقص يزود وأثر السنين تشيب اللي شهدها دنيا تمنينا بأكاذيب ووعود واللي تخفي عندها أمر وأدها فيها الولد بعد نشاطه يجي عود وكل العلوم اللي يبيها فقدها ما عاد له قوة ولا فيه مجهود لو هو من أول كل قمة صعدها يالله يا معبود يا خير معبود اغفر ذنوب اللي كثير عددها أنت الكريم أنت العفو راعي الجود سبحانك الله والبشر وش بيدها لاجاء نهار العرض في يوم موعود تذهل به المرضع وتنسى ولدها في موقف ما فيه سيد ومسيود كل يجازي أعماله اللي رصدها الله يثبتني على الحق يا سعود لاجيت في ظلم القبور ولحدها لاصرت في قبر خلا مرتع الدود وفارقت لذات الحياة وسعدها مالي سوى فزعتك يا مهون الكود لاجت ملايكة العمل في وعدها من فاز فالجنة فلا عنه منشود يجني ثمار أعماله اللي حصدها وصلاة ربي عد ماتزهم رعود على الرسول أعداد ما أمطر رعدها الرد من الشاعر غازي بن دخيل الله بن عون: رسالة جتنابها نسمة النود على شفاياها طوابع بلدها حسنا تفوق بحسنها باقي الخود وكل على باهي بهاها حسدها الغانية والفكر ولدوا بمولود ولله در الوالد اللي ولدها جت من رفيقا كان عود لمس عود جيوش فكره للمبارز حشدها شهم يحل بخبرته كل معقود ولا حدا يحل العقدة اللي عقدها ولاقد ورد عد من الناس مارود موارده ما قبله احدا وردها يعب من فكر على الكبد قرهود أحلى من اللي هل مغتر بردها وجميع ما قاله مثبت وماكود حقايق تبت يدا من جحدها لوبه شباب دوم وافراح وسعود قلنا عليها يا سهل طول يدها مير الأجل محدود والرزق محدود والروح به يوم تفارق جسدها من عقب ماهي بين سلفان وجرود تسكن بملحود طويل وحدها من لبس فالدنيا من العز ماهود تذوقه بأتلى حياته نكدها مادامت لبخت انصر ولابن داود ولاداوم القيصر وكسرى رغدها لو تنطق اطلال على الماضي شهود باخبار اهلها خبرت من نشدها مير الامل في باعث الخلق معقود ملجأ العباد اللي تقلص جهدها
