بصمة ناعمة

كحيلة حرب

ياكاتب حروف المثل والقصيدة
تعال واكتب عن حياة المشقاة
اكتب شكت وقتٍ ظروفه عنيدة
واكتب بكت حيٍ على الروح ماغلاه
ياجمر قلبي جمر صلب الحديدة
وياكسر قلبي كسر ماحي يرفاه
ياويل حالي كان وكّد شديده
وياضمي روحي ضمي هيمٍ بماضماة
وردٍ على عدٍ دليه بعيدة
واقن على بيره ولا حصلنٍ ماه
عليك يا للي لك مزايا فريدة
ياغاليٍ بالقلب والروح تفداه
له عزوةٍ لها فعول مجيدة
ولو الكرم مخلوق قبْلّ ليمناه
هو الوحيد بقلب وده وسيده
هو الوحيد اللي فراقه معاناة
وياعاذلين القلب ماهي جديدة
ياما سمعت الحكي لكنّ ما ابغاه
كفو ملام ومالكم با لوحيدة
مادامها درب الخطا ماتمثناه
ماكل من يهوى وداده يريده
ولاكل شاعر صادق الحرف غناه
ولاكل صدفة قيل صدفة سعيدة
كم صدفةٍ كانت على العبد ماساة
ياحظ من ماتت غريرة شهيدة
ماشافت اللي شافت العين ويلاه