مدري ولكن

تاصلْك؟ ماتاصلْك؟ مدري..! ولكن
قلب العنا يجبرْه شوقه على ابداء
مشاعره والحب منه مْتِماكن
الشوق كالمضمار والقلب عدّاء
وخط النهايه وصل من فيه ساكن
وانا انتهيت وبعد خلي هو الداء
لاهو بعيد ولا قريب أتَماكن
عليه ولو يطلبني الروح فدّاء
ماغير أجر الآه ونّات واكن
دموع عيني عن أصاحيب واعداء
أضحك وهمي داخل الصدر ماكن
يطري عليه كل ماشفت انا الداء
ثاني حروفه ياقمر ليه داكن
باب الأمل واسع ولكن الاصداء
توحي بأن الوضع هادي وساكن
مابه جديد ولا قبل قلبي اسداء
نصح النصيح اللي على جنب راكن
يالله تزينها ويوصله الإهداء
ضاعت عناويني وجفتني الاماكن
محمد بن ضاوي