قصيدة للشاعر إبراهيم بن ناصر الزامل

قصيدة للشاعر/ إبراهيم بن ناصر الزامل الحوشان بمناسبة زيارة صاحب السمو الملكي الأمير خالد بن بندر بن عبدالعزيز أمير منطقة الرياض سمو نائبه صاحب السمو الملكي الأمير تركي بن عبدالله بن عبدالعزيز.
أهلا هلا بقدومكم يالميامين
عيال الملوك أهل السلوم الجميله
خالد وتركي هم عيال السلاطين
أنتم رجال العز وأصل وقبيله
شيوخا عيال شيوخ بالطيب ماشين
مثل الحرار اللي براس الطويله
حكام نجد مرجحين الموازين
اللي حموها بالسيوف الصقيله
والعاصمة تزداد بالنور نورين
لي راح نجم حل نجم بديله
وأنتم أهل العوجا كعام المعادين
من تاه دربه ضيع الله دليله
ضد الأرهاب السايبين المجانين
اللي مماشيهم تراها رذيله
وأخوان نوره ملحقين المخلين
لي ثار عج الخيل هو الفتيله
الله ينصركم على كل طاغين
أهل الدروب الخايبه والفشيله
يا خادم البيتين يا نصرة الدين
يا حامي الأوطان بأحسن فضيله
سلمان لي منه غد العلم علمين
حزم وعزم وأرياه دايم دليله
أبو فهد ليا عود الحزب حزبين
يضرب بسيف العز والله وكيله
والنائب الثاني عسى عمره سنين
ويطول في عمره سنينن طويله
مقرن الى عدو رجالن مسمين
تبنى له البيضاء بكل الوسيله
وفهد بن عبدالله ولد عم الادنين
جده محمد له افعولن مهيله
عضيد أخو نوره زعيم الفريقين
كم غارتن منهم نهار الدبيله
محمد ولد نايف مشى بالقوانين
من تاه عن دربه بسيفه يشيله
الحر مثله هو عذاب الكراوين
لي شافته تلبد بخطوى الخميله
في حكمكم توالف الذيب والضين
والذيب ما جاء له على الضين عيله
الله يعز حكومة العز عزين
اللي مماشيها تراها جميله
في خدمة آل سعود للحق ماشين
يوم المغازي والسنين الطويله
هذا جرى في عام واحد وخمسين
والبيرق الأخضر شجاع يشيله
وصقر الجزيرة لم حضر وبداوين
والهجن فرق هو خيلا أصيله
وصقر الجزيرة حاشها ببو حدين
من حد صنعاء للحماد الطويله
والبحر الأحمر غرب لحد بحرين
في حكم أبو تركي كسبها وهي له
وصلاة ربي عد من قال آمين
على النبي وعداد وبل المخيله