جفواك

مرت عليّ أوقات وأيام وشهور
وأنا على فرقاكم آبات واصحي
صبحي غدا ليلٍ.. وليلي غدا نور
ما عاد أميّز بين ليلي وصبحي
تكفى تلملمني إلى صرت مكسور
والا على ما قال عجّل بذبحي
بنيت لك يا زين في قلبي قصور
وترد لي جفواك وتهد صرحي
من اول بطيشك وانا أقول معذور
بكره يدق الحب قلبه ويصحي
لكني أشوفك مثل ما انت مسرور
ما فاد فيك عتابي وكثر نصحي
ما عندك أي إحساس ولا عندك شعور
أكتبلك أبيات الهوى وانت تمحي!
هي كلمتين اللي بقت بآخر سطور
أقولها من جد ماهو.. بمزحي
ماني على حبك ترى اليوم مجبور
ما دمت ما قدّرت عيشي وملحي
الشاعر: رشيد الكثيري