تفطر خيارة وزيتونة

عزتي للي خفوقه تجرعها
ذاق بعد اللي لها تضحك عيونه
يوم غابت.. غابت افراحها معها
بعد ما كانت بالاحداق مسجونه
كل يوم يتقهواها ويقدعها
فاقد له غشمريه ومزيونه
الهوى من وين ماهبّ يتبعها
درة في غبة البحر مكنونه
نادره ما أكثر حلاها وما أروعها
فتنة تمشي وبالغيّ مسكونه
في يديها راية الحسن ترفعها
مهرة بملاعب الريح مفتونه
تشرب عروقي وبالصدر مرتعها
لا قبلت تمشي بخطوات موزونه
كنها تمشي على روس اصابعها
ضامر تفطر خياره وزيتونه
وان تعشت لقمه ونص تشبعها
لو تطل بحسنها من البلكونه
شفت خلق الله تسمّر بشارعها
وجد حالي ل/أسرف الصدر بلحونه
يوم عين الوصل جفت منابعها
ليت قلبي قبل لا تذبل غصونه
ضمها بأول جفافه وودعها
عطا الله ممدوح