شاعر وأكثر من صورة

خالد بن مدعث الدوسري

أنا ليا ضاق صدري وأشتعل جاشي
داويت نفسي من همومٍ تناهشها
ضربت لي طرقه تصعب على اللاشي
وسرّيت رجلي ومسرى الليل ينعشها
***
تخفيف
من المرتاح والإنسان من يخلق وهو عساس
ليا زانت مرابيعه نهبها من يده صيفه
نموت من التعب، لكنّ في طرد السبب لاباس
ثقيل الحمل اعده مع ثقيل الهم.. تخفيفه
***
استغاثة
يا الله بهمال بصوب المزابير
نون سنا برقه مع الغرب ضاوي
يسقي الديار الممحلات المداهير
للي ثراها فوقه العود ذاوي
***
هواية
غرامي نقلت القرناس ومرافق زحول رجال
مناعير تسد النايبات وتحمي القاله
معاهم لذة الدنيا مزوح، ودله، وفنجال
على نار عليل الروح منها ينشرح باله