جاك سلمان

استبشري يالعاصمه جاك سلمان
قولي هلا من رحلته جاك لافي
ترحيبه الغيث المبكر للاوطان
سالت به الوديان عقب الجفافي
ومن الفرح غنت على كل الالحان
ترسخ بحكم العز والثوب ضافي
وهبت هبايب نجد مسك وريحان
وفاح العبير وفز من كان غافي
سلمان هو سلمان والاسم عنوان
نسل الحرار الي بالافعال تافي
ان قلت هو بدر الدجى للبشر بان
قالو على كل التواصيف نافي
ان قلت هو حر السعد قيل شقران
والمدح يزها بالامير السنافي
يا ماوقف من وقفت تجلا الاحزان
يشهد له التاريخ ماهو بخافي
ابو اليتيم اللي حظن كل جيعان
ينعم بظله عقب ما كان حافي
ولو اذكر الامجاد سجلت ديوان
با اهل القلايع والسيوف الرهافي
وصلاة ربي عد ما كاين كان
وعداد من لبا بمكه وطافي
شعر/ا لوايليه