مرثية كاملة البهاء لصاحب السمو الأمير سعود بن عبدالله بن محمد آل سعود: الراس شيّب من موادع عمامه في هالسنه ودعت نايف وسلطان يومٍ على العارض يخوف ظلامه مات بصباحه عالي الراس والشان تبكيك يانايف رياض وزعامه ويبكيك يانايف شبابٍ وشيبان علمتنا حب الوطن واحترامه مسيرتك مجد ومعالي وبنيان امن الوطن عينه وقلبه حزامه اربع عقود يصد فتنه وعدوان تنصر به السنة ويعرف كلامه لا قال يفعل ما يفكر بما كان الله من قلبٍ تناثر حطامه ماكن له غاليين بعده وخلان راح الحنون الصعب جود وشهامه اللي الى ضاقت بنا صار مزبان يومٍ علينا غير يوم الرغامه يومٍ كبيرٍ ما انتصر فيه شجعان ليته خذا مني العمر له سلامه قبل وداعٍ فيه للعمر نقصان سعود بن عبدالله فما كان من الصدى للصوت إلا أن يكون عذباً مترقرقاً منساباً حاملاً للحزن والرثاء لا يخلو من الأنفة والعزحاملاً بصمة لشعر صاحب السمو الأمير عبدالله بن خالد بن عبدالله بن محمد آل سعود: ياسعود ما ينفع عتاب وملامه راحو حزام الظهر ذربين الايمان راحو مدلهة الغريب ومرامه خيالة العوجا مدابيس الأكوان راحو وكلٍ قام يربط حزامه عقب النداوي كامل الوصف سلطان شيخٍ يرّكِبها الجبل والعدامه ما خارت عزوم اصوخ الراس شامان وعقبه فقدنا شيخ نجد وإمامه الصيرمي نايف عليه الرجا كان بعد الله المعبود كان الزعامه تستاهله زيزومها عالي الشان يالعن ابو من لام فاقد عمامه ياسعود من لامك من العقل فقران راحو الذي فيهم نفك الجهامه وبوجودهم تطرب قبائل وأوطان نرجي من الله العوض والسلامه وأبشرك صار العوض راس سلمان واحمد عسى دايم رفيعٍ مقامه ما صك من دون المحبين بيبان لاشك امر الله ماضي حسامه فينا وفقد اعمامنا خير برهان
