قلوب وأسامي

وما شاف فيني غير وجه احترامي
ضاعت بوجهه امنياتي والاحلام
وانا إحساس الحب ضاع بكلامي
اضحك وانا اللي خافقي حيل منضام
وقمت اتظاهر بالفرح عن هيامي
ضج المكان بصوت وارتبكت أقدام
مديت كفي وارتبكت فسلامي
حزنٍ عميق,, لسان عن الحكي صام
الكل يسأل مادروا وش علامي
سألت نفسي وين حبٍ من العام
كان الغلا له دايم الدوم سامي
حبٍ عظيمٍ انكتب بس مادام
بعد البنا يا كيف صار الهدامي؟!
ذنبي انا او عاد هو ذنب الايام
ليت القلوب احيان مثل الأسامي
راح وتركني وانكشف حب الاوهام
رحل وخلّا الجرح بالقلب دامي
سند هليل المخلف