شعراء الهلال يتغنون بهلالهم

مازالت القصائد الشعرية تنهال على القسم الرياضي حيث أصر مشجعو ومحبو الهلال مشاركة فريقهم ووصف مشاعرهم من خلال الابيات الشعرية,, وها نحن نواصل نشر القصائد الهلالية ابتهاجاً بالانتصار المجيد لرياضة الوطن.
نصيبي هلالي
أحمد الله اني هلالي
احمد الله اني هلالي
مره بطوله ومره فوز
يبرد القلب يجيب الفوز
لي حضر أزرق يفرح الروز
مايغيب شعاع الأزرق جهوري
أحمد الله أني هلالي
كل نصيبه شيء وانا نصيبي هلالي
مدعوم بالأزرق لآخر العمر عالي
لاشفت الأزرق شفت الأخضر غالي
فوزهم محفل للوطن علالي
أحمد الله أني هلالي
جبنا البطوله ماجابها أحد
وصلنا نهائي بأكبر عدد
نقدر عليها بعون الأحد
مافيه خوف لابدا لالي لالي
أحمد الله أني هلالي
جماهير وش تبون أصناف
لعب ولّافن وكثير أهداف
والله أزرق وغيره أعاف
أحبه وملايين عشقهم هلالي
أحمد الله أني هلالي
تابع الأزرق وشوف الفوز
مايضيع الوقت معه بحوز
يسعد ويفرح لهم مركوز
مثل الخيل يسبق أول وتالي
عبدالرحمن الدريبي الرياض
***
للمجد قصَّة
مال للقصايد عذر في مثل هاليوم
يوم انكتب للمجد قصه جديده
مجدٍ جديد فاح وردٍ ويشموم
الكأس غالي والزعامه وكيده
في الملعب الدولي به المجد مقسوم
منَّه من الله يالله انك تزيده
للمجد قصه واجتهادات ورسوم
هنا نبي التاريخ صفحه مجيده
حسن النوايا جادت اليوم بعلوم
حسن النوايا جابت اللي بريده
هذا الزعيم ان قال ماهوب مليوم
انا الوحيد اللي بنى المجد بيده
يومن حلم الغير مثل اية حلوم
انا كتبت المجد وارجع واعيده
كذا نقول الشعر في مثل هاليوم
دام الزعيم يقول فرصه سعيده
الشاعر محمد الخزيم
***
المطر والخير والفوز هلالي
المطر والخير والفوز هلالي
نعمه كبرى من رب نشكره
فوزنا بالكأس فوز غالي
وكل تحدى لزوم نكسره
كم بطولة لكأسها شالي
الزعيم الي مايبي المؤخرة
الزعيم اللي أول ماهوب تالي
كل حاجز عن البطولة نعبره
الزعيم زعيم بلا جدالي
رافع شعار التحدي ومشهره
كل عام للزعيم احتفالي
سائل التاريخ عنه نخبره
الزعيم اللي فوزه متوالي
مايهاب الخصم وعنده مقدره
الف مبروك والتهاني تنهالي
للامير سعود ولجهوده المثمره
والرجال اللي في كل الاحوالي
تدعم هلالها ولأمره تيسره
الرجال اللي وافيين الخصالي
الادارة وأعضاء الشرف المفخرة
نادي هلال دايم في العلالي
الزعيم زعيم لياليه مزهره
والف مبروك لجماهير ماتبالي
كل صعب في طريقها تخطره
تدعم هلالها في كل حالي
مايوقفها حر ولاسما ممطره
ولايوقفها قول من قالي
من هروج في الصحافه مكرره
البطولة جابها الزعيم بالعجالي
الهلال الزعيم مااحد يغيره
والف مبروك للاعبين الرجالي
بدرة الملاعب كل فن اظهره
الله اكبر يايوم النزالي
جابها الشلهوب بطوله مبكره
وعزز الفوز بروح اتصالي
ابن جمعان بشوته للكره
واستقرت واعلنت فوز غالي
للهلال اللي ما احد ينكره
افطنوا تكفون ياخيار الرجالي
صورة تلاحم صورة معبره
وعشت ياهلال حصن الابطالي
كل مجد هلالنا مسطره
وردد الجمهور جنوب وشمالي
للهلال اللي يطرب منظره
البطوله جت على شف البالي
نحمد الله نعبده ولانكفره
زيد بن علي العيد
حوطة بني تميم
***
وصفة الفوز
الشاعر المعروف أحمد الفهيد تفاعل مع الانتصار الهلالي بقصيدة رائعة أعادت الشاعر المبتعد إلى الشعر,, القصيدة الجميلة كجمال كأس العرب جاءت من الساحل الشرقي تفاعلاً وترجمة للانجاز الكبير.
طيب الله كل فال
مبتدى شهر الطهاره
لوهفا بين السجال
همز اقدم باعتذاره
اولاً مبروك عال
يا هلالي من حراره
من طربها الدمع سال
يسقي افراح افتخاره
سائلي بحثاً سؤال
كيف تحسين اختاره
وصفة الفوز الهلالي
يا اللي تزعجك الخسارة
طيعني يابن الحلال
السما الأزرق شعاره
يلبس الشهب احتفال
يحتفل حفل انتصاره
هلت المزن الزلال
للرياض أهدى مساره
ربي بعز الجلال
وفر الخير بدياره
ساسة الخيل الرجال
والفخر لاهل الإداره
الله بحسن وجمال
صاغ مفهوم الشطاره
والذي صك الخيال
احرجه واخطا قراره
انهزم بأول نزال
فضل الصك انتحاره
عافت السرج البغال
والفرس يقدح شراره
زادها الخيل اعتلال
غارة من بعد غاره
لو زعلت آسف تعال
مقصدي حلو الاثاره
حصلت سبلا الدلال
والجهام اشعلت ناره
كلنا بالجسم حال
تسند اليمنى يساره
للوطن شيب وعيال
نطرق أبواب الحضاره
وحدة صعود الجبال
جارنا كمله جاره
منتخبنا يوم نال
الفرح في كل حاره
وسع لدنياك بال
صبرك اليوم اختباره
واللي يخسر له مجال
الله يرد اعتباره
طال عز الشيخ طال
عز ابو تركي مناره
ضمنا اعمام وخوال
والأمن يحمي جداره
قلتها غيري وقال
تكفي الحر الاشاره
ما عليك من الجدال
يشفي الفوز المراره
اعتدل واحكم عدال
يا حكم فيفا اماره
وآخر القول ابتهال
ملكنا صك الصداره
أحمد محمد الفهيد