نشرنا في عدد الاسبوع الماضي لغزا كتبه الشاعر شافي بن عبدالهادي بن راجس السبيعي ونصه: انشدك عن ورعٍ صغيرٍ محله له موقف ما ياقفه كل رجال يا زين وقفاته ويا زين دله اغلى من الغالي على كل الاحوال وكان حله نون العين او صبى العين وقد جاءت الحلول الصحيحة كما يلي: يا الله يا اللي كل ضايع تدله انك تنجينا عن الدرب لامال واللغز يا شافي تسمع لحله هذا صبي العين يا طيب الفال معيض بن مسفر الودعاني السليل *** لغزك يا شافي فيه منهو يحله حله صبي العين يا طيب الفال الحل ما كل بعرفه يدله الحل يبغي له من الناس عقال حسن الهواملة الدوسري الافلاج *** البارحة ما جاني النوم لله يحرم علي ولا طرالي على البال وصبي عيني ساهر الليل كله ذكرتنا يوم البعث يوم الاهوال محمد بن سالم بن عرموش الدوسري الافلاج الفيصلية *** ياناشرين اللغز عرفت حله ورع صغير ما يعوض بالاموال حله صبي العين يا فاطن له الله يفكه من صواديف الاحوال مرضي العنزي رفحاء *** احرص على الالغاز دقة وجلة ياما حلا الالغاز مع سيحة البال واحفظ صبي العين عن كل خلة حيثه هو الغالي على كل الاحوال فهد المحمد الحزاب الرس *** شافي كتب لغز علينا نحله لغز ثمين ما لقينا له امثال هذا صبي العين ماحد يمله صح الصحيح وكلمة الحق تنقال خليف الحربي الرياض *** اللغز مثل الوصف للي يدله ابحث لما تلقاه باطيب الفال احد يصيب الحل واحدٍ يزله تراه نون العين لو قال من قال محمد علي السالمي رفحاء *** رمعت انا للغز وارسلت حله للصفحة اللي حققت كل الآمال ياشافي الاعجاز دقه وجله في خلق نون العين يا طيب الفال عطا الله بن سليمان العطا الله الزلفي *** ياللي كتبت اللغز نعطيك حله بعطيك من وقتي ولو عندي اشعال يبقى صبي العين داخل محله هذا الجواب وكلمة الصح تنقال محمد حمد الشدادي *** لغز ابن راجس رائع النص كله وحله خطر ساعة قريته على البال صبي عين ام الرموش المظلة له قيمة ما تنقدر بلا موال محمد هذال آل بريك اتصالات الرياض *** القرعة اللي زادت الطين بله ما بين بيبان الاماني والا مال فوق النظير الجفن مثل المظله ولا الجزاء يحسب على قدر الاعمال محمد عبدالكريم الغزي الزلفي *** اهلاً هلا عد النجوم المظلة باللغز واللي ينشره طيب الفال الله يديم الشوف وربك توله هذا صبي العين اغلى من المال حمد عبدالله شيبان الدلم *** عد السحاب وعد خير يهله يامرحبا وعداد ما وادي سال ياللي كتبت اللغز نعطيك حله هذا صبي العين يا طيب الفال محمد بن حمد البدر الزلفي *** جانا مطر والآخر اقبل يعله والقاع عقب الخير مدهل ومنزال يا ما حلا شوف الرياض المظلة اصبح بروضة وآخر اليوم رحال عبدالله بن حمد البدر الزلفي *** اللغز لا من صار وارد نحله ماهوب مدح لكن الحق ينقال وانا عجبني لغز شافي وقل له هذا صبي العين يا طيب الفال حماد جزاء الحنيني *** شافي كتب لغز يبينا نحله وكثرت حلوله صار له كم مدخال من قال نون العين فهو وصل له وغيره كثير حلول تطري على البال موسم بن سفر القثامي *** قريت غر مثل روس الاهله نوايف فيها اطرق الوزن يختال حلن وراي سود الرموش المضله حطن صبي العين ممسي ومقيال نافع الحربي الرياض *** تستاهل التقدير والود كله ياللي من اسمى الشعر تازن وتكتال لك منهل بالشعر محد يمله عود بنون العين له دوم منزال
