عيد المملكة

للوطن

يا عساها كل عام يعاود عيدها
لبست عقود الذهب واشتعل للعز نور
في مدنها.. في قراها وحتى بيدها
نرفع آيات التهاني.. وباقات الزهور
للمليك اللي يهين العداء ويكيدها
الفهد ولد الفهد ما شجعه واف الشبور
دارنا بحماه من حيدها.. لحيدها
والمزايا الطيبة ما لها عد وحكور
في ملكنا يعجز الفكر عن تعديدها
الفهد له حب مكنون في وسط الصدور
القلوب المومنه كاسب تاييدها
ودام عزك يا عضيد الفهد صقر الصقور
ابومتعب سيرته واجب تمجيدها
طال عمره.. طيب النفس بالطيب مخبور
عاش حلال الصعيبات من تعقيدها
والتحيه الفاخره بأطيب انواع العطور
لابو خالد تهنيه خالصه ونزيدها
بالثناء.. والمدح وتعيش بالليث الجسور
يا كريم النفس يابو اليتام وسيدها
قالها مواطن على موطنه دايم غيور
يا عساها بالسعاده يعاود عيدها
زهران عون الله المطيري
بريدة