سلام المسك والعنبر يفوح من أوله لاتلاه سلام الطيب بالترتيب والتزيين والتحسين رفعنا الله على كل الدول بهدايته ورضاه وجنبنا من العذال والحساد والواشين وخلانا نعيش أمن كثير من الدول تبغاه وسترنا بخيرات وكثير من الدول عارين وزينها له الحمد ووجب شكره ولاننساه عظيم الجاه سبحانه يزين مايشا ويزين له المنه على الصحة وشهر الصوم بلغناه يثيب الصايمين القايمين ويهلك العاصين حسب ماهو أمرنا نعبده ومقدسين اسماه ولانجزع من احكامه وباللي يكتبه راضين وصلى الله وسلم عالنبي اللي على بلواه أعانه ربي وصانه من الزمرة عداة الدين عطاه الله وهو امي وإلى الأقصى بعد سراه محمد فضله ربي على الماضين والتالين بلاشك السعودي صار ممنون على ماجاه وحنا اليوم عشناها مع فهد الوفا عشرين من سنين العمر عشرين جعل الله يمد خطاه عسى ربي على الصحة يخليها تصير سنين قضى فيها بحكم الله مع الناس وبنت يمناه تقلد حكمه العامر بعام أربع ميه واثنين عميل الخير ويمينه على طول الزمن معطاه وله تاريخ مايخفى على الكتاب والقارين عمر مكه عمر طيبه ومن طيبه نشوف بناه وحسنها وزينها وشفناها بشوف العين ورتبها وهذبها وذهبها عسى تلقاه ووسعها ماحد قبله فعل فعله من الماضين طبع وزع كتاب الله وكم من مسلم يقراه وترجم له ونظم له يريد هداية الغاوين ومن جاته مصيبة وقت من كل الأمم واساه عطا المحتاج والمعوز كسا العارين والحافين ويعطي في رضا شعبه على هذا ولا كفاه عطا حتى الدول (حكمه) يريد يلين القاسين فهد يعطي فهد وافي فهد ماخاب من سماه فهد دايم مواقيفه على العليا يمين يمين وهو والله على طبعه على سلمه على مرباه هذا سلم الفهد واخوانه اللي بالوفا وافين ولاننسى سياساته ووقفاته وما سواه يوم انه دونّا وقف على الخاين عدو الدين دفع ماله وبرجاله حفظ حده واهان عداه يسجلها له التاريخ تحديداً سنة تسعين له التاريخ مكتوب على بيض الورق باملاه يارب تصون ابوفيصل وكل اخوانه الباقين عجب والله سياساته ولو اليوم كرمناه لكن والله مايكفي عسى يسلم نقول آمين يصون الود يهوى الجد الا يا سعد من ينصاه على حبه تجمعنا سوى ناقف ومتواصين رفض كلمة فخامته وجلالته ورموز الجاه يقول ابداً انا خادم وهبت لخدمة البيتين ملك ويقول انا خادم عسى رب البرى يحماه عميل السلم وأعماله ماحن والله لها محصين نقدم له تهانينا ومن عذب الكلام احلاه على العشرين عام اللي قضاها يروي الضامين نبارك له بعشرينه كريم والكريم اعطاه عسى ربي يباركها لنا رغبه ومتمنين سعوديين مانرضى من المنصب يكون اعلاه شهادتنا شعار النا تحتها نخله وسيفين شهادتنا نموت لها هذا درس وتحفظناه ولاننساه لو تصبح ثلاثة وأربعة سبعين بوفيصل هو المكسب وحن طول الدهر نفداه فهد بقلوبنا غصب على القاصين والدانين
