هذا السعودي

له مجد له تاريخ محدٍ يطوله
ياكثر ماهو شال ياناس من كاس
وياكثر ماحقق وفاز ابطوله
اليالعب تاه الخصم.. صار منحاس
تاهة معالعب السعودي خيوله
لعبه وفنه رائعٍ.. أبهر الناس
والله السعودي نجم صعبٍ أفوله
هذا السعودي ياعرب ماله أجناس
هذا كلامٍ صدق كلٍ يقوله
أخضر ويلمع مثل ما يلمع ألماس
يهتف له الجمهور لاجاب «قوله»
لاطب في الميدان لابأس لاباس
دايم على خصمه يفوز بسهوله
يالله ترحم من بناها على ساس
صرح الرياضه اليوم محدٍ ينوله
سلطان مع نواف عزٍ ونبراس
قادوا صقور المملكة للبطوله
هذا السعودي لالعب يرفع الراس
به ابتديت.. وفي النهايه أقوله
يوسف المطيري