الصداقة

اليوم منهو يستحق الصداقه
تعبت ادور لين نشفت ريقي
ولا لقيت احد تهمه رفاقه
ودي بصاحب بالمواقف حقيقي
اليا نخيته فزلي بنطلاقه
يرخص لي الغالي وسده عميقي
وإن شافني ضايق تعكر مذاقه
خل يواسيني بهمي وضيقي
فرحي يسره وإن تضايقت شاقه
بالوقفه اسنافي صدوق وثيقي
ما هزته فيني اهروج الطفاقه
في ذا الزمن كلا بكذبه غريقي
لا شك كلا غارق في نفاقه
مات الوفاء ما عاد له من يطيقي
نهايته بيدينهم واحتراقه
يا ليتني في بعض الانفس امويقي
حتى اعرف اختار وابني علاقه
يا وقت قلي وين اوجه طريقي
ما عاد لي في الاصحاب طاقه
وليد الناصر