صقر النصافي

شاعر وأكثر من صورة

هذا جزا له يوم أنا مولع فيه
بجزاه بالفرقا مثل ما جزاني
من لا نفعني في حياتي وأنا ارجيه
ماني براجنه ليا مت جاني
***
شيمة
من عاف لاماي لو شوفه طرب عيني
والله لخليه مالي فيه مصلوحي
القا من الناس غيره ما يعزيني
الناس واجد وباب الرزق مفتوحي
***
دنيا
كم من غدير صافي غثبرت ماه
وكم قاسي من صد بقعا يليني
دنياك ما خلت مغطا بمغطاه
نوب تشين إلنا ونوب تزيني
***
مجالس
لا عاد مقعادي على غير مصلوح
هذاك مقعاد القصى والمذلة
أما تهيت هرجه الروح للروح
باقي السوالف ريح دخان جلة